Hai tempo fixen este debuxo con motivo da vaga de incendios que arrasaban o país. Agora, a miña amiga Charo Pita (contacontos, escritora, música,...) púxolle unha letra...que me emocionou moito. Espero que vos guste tanto coma min.
Some time ago I made this picture to protest against the fires all over Galicia. Now, my friend Charo Pita (storyteller, writer, musician,...) wrote a poem for it...which really touched me. I hope you'll like it as much as I did.
Profundas eran as nais nos días de marzo,
intensamente ocupadas en ser
desencadeaban fillos imprevisibles fortes,
eran intensamente.
Os seus corpos
de abondosa espesura
bailaban a vida do pan cotián
fornecido en praceres
e colgaban frautas dos seus cabelos bestiais
por onde ouveaban
o vento do freixo e o voo das ameixeiras.
Fermosos eran os fillos nados de tanta nai
como o galope das madreñas por entre o peito do monte,
aloumiñando
a ceibe vontade dos volcans.
Charo Pita
1 comentario:
Eu ben sei da túa sensibilidade para "ilustrar" un mundo de auga e parto. Mais este deseño é especialmente especial Xosé...allez...que con certeza que vamos almorzar un mundo.
Publicar un comentario